HomeServisioLimpia i Marka Tereno

Limpia i Marka Tereno

FDDK ta ofresé servisio di limpiesa di tereno i/òf marka i pinta tereno na organisashonnan ku ta hasi uso di terenonan deportivo.

Tur beheerder/usuario por bini na remarke pa hasi un petishon si kumpli ku e kriterionan stipulá.

KRITERIO PA LIMPIA I MARKA TERENO

  1. 1 (un) biaha pa aña e organisashon por bin na remarke pa limpiesa di tereno.
  2. Organisashon ku hasi petishon mester por proba ku e ta beheerder/usuario di e tereno.
  3. E petishon mester konserní un aktividat deportivo kompetitivo pa hubentut ku ta tuma lugá ku frekuensia regular durante un mínimo di 3 (tres) siman òf mester ta dirigí riba entrenamentu di un grupo grandi (30 partisipante òf mas).
  4. Mester entregá tur petishon pa limpia, marka òf pinta tereno mínimo 10 (dies) dia di trabou promé ku e evento tuma lugá. Lo no honra petishon ku no keda entregá konforme e stipulashon di 10 (dies) dia di trabou.
  5. Despues ku FDDK a aprobá e suma pa hasi e trabou, e organisashon mester paga un depósito di fl. 200,00 (doshen) òf fl. 300,00 (treshen). E depósito aki ta enserá muestra di e responsabilidat ku e beheerder/usuario ta karga pa e tereno ku e ta manehá. FDDK lo tene e depósito aki pa un periodo di 5 (sinku) luna, despues ku e trabounan konserní a tuma lugá.
  6. FDDK lo keda vigilá si e beheerder ta keda mantené su tereno den bon kondishon despues di e aktividat ku el a pidi mantenshon p’e. Den kaso ku konstatá ku e beheerder/usuario no ta hasi mantenshon segun palabrashonnan, e beheerder/usuario su tereno no ta bini na remarke mas pa FDDK hasi mantenshon. Relashoná ku esaki e beheerder/usuario por risibí un atvertensia. Den kaso di negligensia ekstremo e beheerder/usuario por pèrdè privilegio komo beheerder/usuario di e tereno.
  7. FDDK ta haña outorisashon pa pega un pankarta òf bòrchi di promoshon riba e tereno solamente despues ku FDDK a duna aprobashon pa sosten.
  8. FDDK ta reservá e derecho pa kambia e kriterio aki na momentu ku desaroyonan lokal òf internashonal rekerí pa adaptá esaki.

Pa hasi un petishon e organisashon mester yena e formulario kompletamente i mandé pa FDDK. Esaki por dor di primi e kònòpi “send” na final di e formulario.

Dado kaso no tin e posibilidat pa manda e petishon digital, por trese òf yena e formulario na bali di FDDK situá na Rio Canarioweg #59.

 

PETISHON PA LIMPIESA MARKA OF PINTA TERENO