E bureau sentral di statistiknan di Kòrsou (CBS) a duna sifranan ku ta demostra ku e poblashon di hendenan di edat den nos komunidat ta kresiendo. Si logra laga mas hende di edat ta mas aktivo deportivamente e lo trese kune ku e segmento di nos komunidat aki ta mas saludabel. Internashonalmente ta proba kaba ku personana ku ta aktivo den deporte ta mas salu i ta bira malu menos ku hendenan ku no ta hasi esaki. Mas ku klaro esaki lo kosta menos sen na kuido i tambe seguro pa nos komunidat. FDDK kier organisa mas aktividat pa nos grandinan i tambe trese mas diversidat den e aktividat nan mes.